وزیراعظم دی قیادت وچ کرپٹ عناصر دا احتساب جاری رہے گا: وزیراعلی پنجاب

لہور(پنجابی میڈیا گروپ) وزیراعلی عثمان بزدار نے آکھیا اے کہ وزیراعظم دی قیادت وچ کرپٹ عناصراں دا بلا امتیاز احتساب جاری رہے گا، اپوزیشن رہنما لُٹی ہوئی دولت بچان دے ایجنڈے اُتے چل رہے نیں۔وزیراعلی عثمان بزدار نے اپنے بیان وچ آکھیا کہ اداریاں دے خلاف گلاں کرن والے ملک تے قوم دے دوست نہیں، دشمن نیں، ملک دشمن بیانیہ نام نہاد لیڈراں دے ذہنی افلاس دا واضح ثبوت اے، ملکی مفاداں دے خلاف ہر عمل اُتے ہر بیان قابل مذمت اے، ملک وچ افراتفری پھیلانا سیاست نہیں، سیاست نیک جذبے تے عوام دی خدمت دا نام اے۔عثمان بزدار دا کہنا سی کہ عوام نوں دھوکہ نہیں دتا جاسکدا، اوہ جاندے نین کون سچا اے تے کون جھوٹا، 11جماعتاں دا غیر فطری اتحاد عمران خان ورگے ایماندار لیڈر دے سامنے بے معنی اے۔