جیتھے وفاق صوبیاں اُتے حملے کرے اوتھے انصاف کیتھوں ملے گا: شاہد خاقان عباسی

اسلام آباد(پنجابی میڈیا گروپ)لیگی رہنما شاہد خاقان عباسی نے آکھیا اے کہ جیتھے وفاق صوبیاں اُتے حملے کرے اوتھے انصاف کیتھوں ملے گا، نیب اجے تک فیصلہ نہیں کرسکی کہ کیس ہیں کیہڑے۔سابق وزیراعظم شاہد خاقان عباسی نے میڈیا نال گل بات کر دیاںآکھیا کہ ہزاراں دستاویزاں عدالت وچ جمع کرائیاں گیاں جناں دی حیثیت ردی دے کاغذ ورگی اے، ردی دے کاغذ جمع کرا دین مگر فیصلہ اوہی آئے گا جو عدالت نوں لکھ کے دتا جائے گا۔ اوہناں نے آکھیا کہ جیتھے صوبیاں دے اعلی افسراں نوں چُک لتا جائے اُوتھے انصاف دی کیہ امید رکھی جاسکدی اے، صوبے دا وزیراعلی آکھدا اے ساہنوںکجھ معلوم نہیں، اج مسئلہ شاہد خاقان عباسی، احسن اقبال اُتے کیس چلان تے کیپٹن(ر) صفدر نوں چُکن دا نہیں ہونا چاہیدا۔