کراچی دی شیریں جناح کالونی وچ بس دے نیڑے دھماکا، چار افراد زخمی

کراچی(پنجابی میڈیا گروپ)کراچی دی شیریں جناح کالونی وچ بس دے نیڑے دھماکے نال چار افراد زخمی ہو گئے۔ پولیس نے تصدیق کیتی اے کہ جائے حادثہ توں سلنڈر دا کوئی ٹکڑا نہیں ملیا، ایہ بارودی مواد سی۔پولیس دے مطابق بس ٹرمینل دے گیٹ اُتے دھماکا خیز موجود سی، کولوں لنگن والی بس دھماکے دی زد وچ آئی جس نال4 لوگ زخمی ہوئے۔ اودھر بم ڈسپوزل سکواڈ نے اپنی ابتدائی رپورٹ وچ دسیا اے کہ دھماکے وچ اک کلو دے نیڑے بارودی مواد استعمال کیتا گیا۔