آرمی چیف نے کراچی وچ ہون والے واقعے دا نوٹس لے لیا

راولپنڈی: چیف آف آرمی سٹاف جنرل قمر جاوید باجوہ نے کراچی وچ ہون والے واقعے دا نوٹس لے لیا اے۔ پاک فوج دے شعبہ تعلقات عامہ آئی ایس پی آر دے مطابق آرمی چیف نے کراچی وچ پیش آن والے واقعے دا نوٹس لیندیاں ہوئیاں کور کمانڈر کراچی نوں معاملے دی فوری تحقیقات کرن دی ہدایت کیتی اے۔ آئی ایس پی آر دے مطابق آرمی چیف نے کور کمانڈر کراچی نوں حقائق تک اپڑ کے جلدی توں جلدی رپورٹ پیش کرن دی ہدایت جاری کر دتی اے۔

واضح رہوے پچھلے دیہاڑ مسلم لیگ (ن) دی مرکزی نائب صدر دے خاوند کیپٹن صفدر تے مزار قائد وچ نعرے بازی دے خلاف مقدمہ درج ہون تے گرفتاری و رہائی دے بعد سندھ وچ اوس ویلے نویں صورتحال نے جنم لیا جدوں آئی جی سنے سندھ پلس دے اعلیٰ افسراں نے چھٹیاں تے جان دا فیصلہ کر لیا۔