وزراء ملک تے ریاست دے بیانیے دی جنگ فرنٹ فٹ تے آ کے لڑن: وزیراعظم

اسلام آباد(پنجابی میڈیا گروپ) وزیراعظم عمران خان نے پنجاب دے وزیراں نوں ہدایت کیتی اے دیس تے ریاست دے بیانیے دی جنگ فرنٹ فٹ تے آ کے لڑن۔ وزیراعظم عمران خان نال میاں محمود الرشید، ڈاکٹر یاسمین راشد، راجہ بشارت، فیاض الحسن چوہان، ڈاکٹر مراد راس، راجہ یاسر ہمایوں تے انصر مجید نے ملاقات کیتی۔ وزیراعظم نے پنجاب دے وزیراں نوں میڈیا وچ پارٹی موقف بھرپور انداز نال اجاگر کرن دا ٹاسک دے دتا۔ وسیلیاں دے مطابق وزیراعظم عمران خان نے وزیراں توں استفسار کیتا پنجاب دے پارٹی دے سینئر صوبائی وزراء چپ کیوں نیں، آخر کیہ وجہ اے وزراء میڈیا تے فرنٹ فٹ تے نظر نہیں آندے، وزراء ملک تے ریاست دے بیانیے دی جنگ فرنٹ فٹ تے آ کے لڑن۔ وزیراعظم نے وزیر اطلاعات فیاض الحسن چوہان دے پارٹی موقف نوں اجاگر کرن دے حوالے نال کردار دی تعریف کردیاں آکھیا فیاض الحسن چوہان دی طرح دوجے وزراء وی کھل کے ساہمنے آن تے سینئر وزراء خاموشی ختم کرن۔

اپنا تبصرہ گھلو