کراچی واقعہ توں بعد عمران خان کیتھے نیں؟ ثابت ہو گیا ایہ وڈھیاںدی لڑائی اے: مریم نواز

لہور(پنجابی میڈیا گروپ) مریم نواز نے آکھیا اے کہ کراچی واقعہ توں بعد عمران خان کیتھے نیں؟ ثابت ہو گیا ایہ وڈھیاں دی لڑائی اے، کیپٹن صفدر دا وارنٹ سی، فیرخاتون دے کمرے دا تالہ کیوں توڑیا گیا ؟ جمہوریت وچ حکومت تے عدلیہ نوں نوٹس لینا چاہیدا ، کسی ہور توں اپیل وی نہیں کرنی چاہیدی۔پاکستان مسلم لیگ نون دی رہنما مریم نواز نے میڈیا نالگل بات کر دیاں آکھیا کہ نواز شریف دے بغیر پاکستان، شہباز شریف دے بغیر پنجاب لا وارث اے، بھرانال بھرا نوں لڑان دی سازش کیتی گئی، بھرا دا ساتھ دین اُتے شہباز شریف نوں جیل گھلیا گیا، میاں صاحب ایتھے نہ ہو کہ وی سب توںودھ ایتھے موجود نیں، مخالفاں دے گھبران توں ظاہر ہوگیا میاں صاحب مخالفاں دے سراں اُتے سوار نیں، جتنے کیس بنانے نیں بنالین۔مریم نواز دا کہنا سی غلط فیصلیاں دے اثرات قوم بھگت رئی اے۔ روٹی30روپے دی ہون جا رہی اے، مارکیٹ توں آٹا غائب اے، نواز شریف نے آکھیا عمران خان ساڈا ہدف نہیں، نواز شریف نے آکھیا وڈیاں دی لڑائی وچ بالاں دا کام نہیں۔

اپنا تبصرہ گھلو