‘پی ڈی ایم دی سیاسی لکی ایرانی سرکس دی ناکامی اج ہیٹ ٹرک ہون جا رہی اے’

لہور(پنجابی میڈیا گروپ)وزیر اطلاعات پنجاب فیاض الحسن چوہان نے آکھیا اے کہ پی ڈی ایم دی سیاسی لکی ایرانی سرکس دی ناکامی دی اج ہیٹ ٹرک ہون جا رہی اے۔ غیر متحدہ اپوزیشن دی پی ڈی ایم “بھان متی دا کنبہ” دی عملی تصویر اے۔فیاض الحسن چوہان نے اپنے ردعمل وچ آکھیا کہ اختلاف دا عالم ایہ اے کہ بلاول زرداری نے جلسے توں ودھ گلگت بلتستان الیکشن نوں زیادہ اہمیت دی۔ بلاول زرداری اپنی سیاست نوں بیگم صفدر اعوان تے نواز شریف توں دور رکھ کے عقلمندی دا ثبوت دے رہے نیں۔ کراچی جلسے وچ نواز شریف دی تقریر نشر نہ کرنا تے اج جلسے توں غیر حاضری بلاول زرداری دی سیاسی سمجھداری اے۔