پاکستان وچ انتشار لئی بھارت افغان سرزمین استعمال کرنا چاہ رہیا اے: وزیراعظم

اسلام آباد( پنجابی میڈیا گروپ)وزیراعظم نے آکھیا اے کہ پاکستان وچ انتشار لئی بھارت افغان سرزمین استعمال کرنا چاہ رہیا اے، بدامنی دا خواہشمند مودی مسلماناں دے خلاف اے، مقبوضہ کشمیر وچ80لکھ لوگاں نوں کھلی جیل وچ رکھیا گیا اے، امن تے استحکام لئی پاک افغان مضبوط تعلقات ضروری نیں۔ وزیراعظم عمران خان نے پاک افغان تجارت تیسرمایہ کاری فورم2020بارے تقریب نالخطاب کردیاں ہوئیاں آکھیا کہ پاک افغان تعلقات دی اک تریخ اے، افغانستان توں لوگ تجارت لئی کلکتہ جاندے سن، ایس خطے دے افغانستان توں روابط صدیوں توں نیں، افغانستان نوں ہر دور وچ خطے وچ اہمیت حاصل رہی اے، عوامی روابط نال باہمی تعلقات نوں فروغ ملدا اے۔