گستاخانہ خاکیاں دا معاملہ: فرانسیسی سفیر نوں دفتر خارجہ سدھ لیا، پاکستان دا شدید احتجاج

اسلام آباد(پنجابی میڈیا گروپ)پاکستان نے گستاخانہ خاکیاں دے معاملے اُتے فرانسیسی سفیر نوں دفتر خارجہ سدھ کیشدید احتجاج ریکارڈ کرایا۔ پاکستان نے فرانسیسی سفیر دے سامنے دو ٹوک موقف رکھیا تے احتجاجی مراسلہ تھمایا۔ دُجے پاسے وزیر خارجہ شاہ محمود قریشی نے اپنے بیان وچ آکھیا اے کہ گستاخانہ خاکیاں دیاشاعت کسی صورت برداشت نہیں، ناموس رسالت اُتے کوئی سمجھوتہ نہیں ہوئیگا، گستاخانہ خاکیاں نال پوری دنیا وچ غم و غصہ پایا جارہیا اے، اقوام متحدہ فی الفور نفرت انگیز بیانیہ دا نوٹس لے، نفرت دے بیج بوئے جا رہے نیں ایس دے نتائج خطرناک ہون گے، فرانسیسی صدر دے غیر ذمہ دارانہ بیانات نے بلدیاُتے تیل دا کم کیتا، آزادی اظہار رائے دی آڑ وچ مسلماناں دی دل آزاری دا کسی نوں حق نہیں۔