بلوچستان دی آزادی دی گل کوئی محب وطن پاکستانی سیاستدان نہیں کر سکدا: فیاض الحسن

لہور(پنجابی میڈیا گروپ)وزیر اطلاعات پنجاب فیاض الحسن چوہان دا کہنا اے کہ مکس اچار پارٹی دی سرکس عوام نوں محظوظ کرن وچ مصروف اے، بلوچستان دی آزادی دی گل کوئی محب وطن پاکستانی سیاستدان نہیں کر سکدا، صاف ظاہر ہو رہیا اے پی ڈی ایم دے تانے بانے بھارت نال ملدے نیں۔فیاض الحسن چوہان نے اپنے بیان وچ آکھیا اے کہ نواز شریف نے جن لاپتہ افراد نال اظہار ہمدردی کیتا، اوہناں وچ اپنا نام وی شامل کر لین تے مناسب ہوئیگا، پچھلے 10مہنیاں توں سابق وزیراعظم پاکستان اپنے خاندان، کرپشن کے کھرباں ڈالرز تے100 سوٹ کیساں سمیت لاپتہ نیں۔ اوہناں نے آکھیا200 روپے کلو انڈے دے بعد بلاول زرداری نے عمران خان اُتے بلوچستان دے جزائر اُتے قبضہ کرن دا مضحکہ خیز بیان داغا اے۔