پنجاب وچ کھیڈاں دے فروغ لئی سپورٹس سکوال بنائے جان گے: عثمان بزدار

لہور(پنجابی میڈیا گروپ )وزیراعلی عثمان بزدار نے آکھیا اے کہ پنجاب وچ کھیڈاں دے فروغ لئی سپورٹس سکول بنائے جان گے، ڈویژنل ہیڈ کوارٹراں وچ سپورٹس کمپلیکس بنائے گے، عورتاں لئی ڈویژنل ہیڈ کوارٹرز اُتے مخصوص جمنیزیم بنائے جان گے۔وزیر اعلی پنجاب عثمان بزدار نال ایوان وزیر اعلی وچ صوبائی وزیر کھیل تے امور نوجوانان رائے تیمور خان بھٹی نے ملاقات کیتی تے دو ورھیاں دی محکمانہ کارکردگی دی رپورٹ پیش کیتی۔ صوبائی وزیر نے وزیراعلی عثمان بزدار نوں سپورٹس بورڈ پنجاب ولوں شائع کردہ سپورٹس نیوز لیٹر وی پیش کیتا۔ وزیراعلی عثمان بزدار نے محکمہ سپورٹس تے یوتھ افیئز دی کارکردگی کو سراہا اور سپورٹس نیوز لیٹر کے اجرا کی بھی تعریف کی۔عثمان بزدار نے کھیڈاں دی سرگرمیاں نوں فروغ دین لئی ہور محنت تے جانفشانی توں کم کرن دی ہدایت کیتی تے آکھیا پنجاب وچ تحصیل تے نچلی سطح اُتے نویے سٹیڈیم تے گرانڈ قائم کیتے جان گے، پنجاب گیمز دی بحالی پاکستان تحریک انصاف دی حکومت دا نمایاں کارنامہ اے، کبڈی تے ہوراں روایتی کھیڈاں نوں فروغ دتا جائے گا۔ صوبائی وزیر کھیل نے دسیا کہ صوبے وچ کھیڈاں دے فروغ لئی جامع پلان تیار کیتا اے۔