‘اویس شاہ نورانی دے بیان اُتے افسوس، محمود اچکزئی نے وی اردو دے خلاف گل کیتی’

کراچی(پنجابی میڈیا گروپ)تحریک انصاف دے رہنما حلیم عادل شیخ نے آکھیا اے کہ اویس شاہ نورانی دے بیان اُتے افسوس اے، محمود خان اچکزئی نے وی اردو دے خلاف گل کیتی، پی ڈی ایم پاکستان ڈی سٹیبلائز موومنٹ بن چکی اے۔پاکستان تحریک انصاف دے رہنما حلیم عادل شیخ نے کوئٹہ جلسے اُتے ردعمل دیندیاں ہوئیاں آکھیا کہ اویس شاہ نورانی نے جو آکھیا ایس دی سخت مزمت کردے واں، اویس شاہ نورانی دی گل اُتے جلسے وچ کسی نے مذمت نہیں کیتی، پی ڈی ایم دا بیانیہ ای ملک نوں کمزور کرن دا اے، اویس نورانی تے اچکزئی نے اوہ گل دی جو مودی چاہندا اے، اوہناں نوں نہیں چھڈاں گے، کسی نوں وی این آر او نہیں ملے گا، سازشیں کرن والیاں نوں تریخ کدی معاف نہیں کرے گی۔