پاکستان وچ بچے دی پیدائش تے پیو نوں اک مہینے دی چھٹی دا بل منظور

اسلام آباد: قومی اسمبلی دی قائمہ کمیٹی برائے قنون و انصاف نے بچے دی پیدائش تے پیو نوں چھٹی بارے بل کثرت رائے نال منظور کر لیا۔ پیپلزپارٹی دی رہنما شازیہ مری ولوں قومی اسمبلی دی قائمہ کمیٹی برائے قنون و انصاف وچ پیش کیتے گئے بل وچ آکھیا گیا اے پیو دے نال بچے دی پیدائش تے پیو اک مہینے دی چھٹی دا حقدار اے۔

بل دے مطابق پہلے بچے دی پیدائش تے ماں نوں 6مہینے تے پیو نوں اک مہینے دی چھٹی ملے گی۔ کثرت رائے نال منظور بل دے متن وچ آکھیا گیا اے دوجے بچے دی پیدائش تے ماں نوں چار مہینے تے پیو نوں اک مہینے دی چھٹی ہووے گی۔ بل دے مطابق تیجے بچے دی پیدائش تے ماں نوں 3مہینے تے پیو نوں اک مہینے دی چھٹی ہووے گی۔ شازیہ مری ولوں پیش کیتے گئے بل وچ آکھیا گیا اے پیو نوں تن بالاں دی پیدائش تک ای چھٹی مل سکے گی تے ایہدا طلاق صرف اسلام آباد تک ہووے گا۔ قنون دا اطلاق وفاقی دارالحکومت دے سارے سرکاری تے غیر سرکاری اداریاں تے ہووے گا۔