غزل

جان کاشمیری

ہس دے آو ہسدے جاؤ ڈھوے ماہیے گاندے جاؤ
زندگی میلہ چار دِناں دا رُٹھڑے یار مناندے جاؤ
غم لوکاں دے جھولی پا کے خوشیاں نوں ورتاندے جاؤ
ایہہ دنیا اک نیکی خانہ اپنا حصّہ پاندے جاؤ
چن سورج تے منظر سارے پیراں ہیٹھ وِچھاندے جاؤ
وقت نوں لا کے ’’ہُو‘‘ دا تڑکا پُتلی وانگ نچاندے جاؤ
وَسدی وَسدی وَس جاوے گی اِک وستی عاش لوکاں دی
عشق دا جھنڈا اُچّا کرکے پیار دے نعرے لاندے جاؤ
پِنڈ وَساؤ شہراں دے وِچ شہر وساؤ پِنڈاں دے وِچ
پوچ کے ساری دوئی دی تختی سانجھا رنگ چڑھاندے جاؤ
حرف دی حرمت، لفظ دی عظمت خطرے دے وچ نظری آوے
علم دے سِر توں چھیتی چھیتی بوجھ اسنادی لاندے جاؤ

اپنا تبصرہ گھلو