چنہاں دیا پانیا

saleem pasha

سلیم پاشا

وے چنہاں دیا پانیا
وگدے سمے دیا ہانیا
تیرے کنڈڑے بہہ کے ملا وے
اک پور حیاتی ہنڈا لیا
جد واج پئی سی عشقے دی
اساں پیر تیرے ‘چ پا لیا
تو وگدا رہیا تو وگدا رہیا
نال سمے دے بھجدا رہیا
کدے نہ رکیا، کدے نہ پچھیا
نہ ای ویکھیا کسے ول
پتناں تے بیٹھے نوں
کھاگئی سی کیہڑی گل
تیرے امرت ورگے پانی دی
بک بھری تے پی لئی
تیری بے پرواہی ہتھوں
اسی جیبھ نمانی سی لئی
وے چنہاں دیا پانیا
وگدے سمے دیا ہانیا

اپنا تبصرہ گھلو