غزل

عبادنبیل شاد

پکی عمرے کچا پیار ای کافی اے
مینوں جتن لئی ایہ ہار ای کافی اے
کد میں چاہواں سبھ موسم توں نال رہویں
میرے لئی تے رت بہار ای کافی اے
دولت دی وی‘ شہرت دی وی لوڑ نہیں
عمر گزارن لئی اک پیار ای کافی اے
قسمے میں نہیں مرنا‘ رہندی دنیا تک
کجھ پل جیون اکو وار ای کافی اے
میں بوہتے سجناپے پال کے کیہ کرنے
مینوں اک ثناور یار ای کافی اے
ایدوں ودھ میں ہور انھیرے کیہ سانبھاں
تیری اکھ دی کالی دھار ای کافی اے
تیرے اندر شادؔ اے گرمی انتاں دی
تینوں سورج ٹھنڈا ٹھار ای کافی اے

اپنا تبصرہ گھلو