کھدو

empty profile

عظمت نصیب

ہر بندے نوں بندہ کہناں
بندے دی توہین
ہر تینوں نوں تینویں کہناں
تینویں دی توہین
ویلا سی جدبندے نوں
بندہ کہن تے جی کردا سی
دے کے قول نہ ہردا سی
ہردا سی تے ِجند ہردا سی
لوک نیں کاہدے لوکی اجدے
ِکھدو ہین اے لیراں دے
مُل انکھ دا مول نہ جانن
سگ نیں جیویں فقیراں دے
نہ پھولو تے واہ بھلا
پھولو پھول پھرولی جائو
لیر دے مگرے آوے لیر
کھول بہوو تے کھولی جائو
ڈھیریاں لگن باہر شماروں
لگدے جاون ڈِھگ لیراں دے
ہواڑاں ماری ہرہرٹاکی
گلے ہوئے تھان ضمیراں دے
مکر دے اتھرو والی لیر
تبسّمی دھوکھیاں والی لیر
ساوی لیر تے بگی لیر
رتی لیر تے کالی لیر
کتھوں تائیں ِگناں میں لیر
کیہڑے گزنل ِمناں میں لیر
چھیدوچھید اعتبار دی لیر
ِلبڑی مندویہاردی لیر
ٹھری ٹھرائی لاردی لیر
ڈوبن ادھ وِچکار دی لیر
ُجبہ دغالنگاردی لیر
ِچٹا کاں تکرار دی لیر
دولت دھن خمار دی لیر
زنگا لے ہوئے اقرار دی لیر
بدمشکے تول شمار دی لیر، آپے چور پکار دی لیر
اوّل لیر تے انت وی لیر

اپنا تبصرہ گھلو