غزل
طفیل عامر
لگ جاوے تے ڈبن دا نہ ڈر ہندا
ڈونگھے پانیاں وچ وی جے تر ہندا
شے کوئی وی ہووے منوں چڑھ جاندی
دل پیار توں کدی نہیں جے بھر ہندا
کدی جان سی اٹ کوئی اکھیڑ کھڑدا
گھر والا جے سوہنیاں گھر ہندا
کم نراں والے کدوں سوکھڑے نیں
نراں وچ وی کوئی کوئی نَر ہندا
سدھے راہ تے بندے نوں ٹوردا اے
دل وچ اجیہا اک ڈر ہندا
متھا لسا ایمان تھائیں تھائیں ٹیکے
دین دار دا بیبا اکو در ہندا
بڑا کجھ گواچنوں بچ رہندا
جناں گھریں بزرگاں دا ڈر ہندا
پلّے غیر دے بجھ نہیں تے لگ سینے
ساتھوں گھڑی مڑی نہیوں مر ہندا
بھکھے مر جاندے عامر جئے کنے
سوہنے رب دا جے نہ اک در ہندا
Load/Hide Comments