نعت شریف

عقیل اکرم قادری

اوہدے جین دا کوئی فائدہ نہیں جند یارؐ دے ناں جس لائی نہیں
باہروں جھاڑو مار کے کیہ کرنا جے کیتی دل دی صفائی نہیں
ایناں زیراں زَبراں دی مُلاں تینوں سمجھ ایہہ توہیوں سانبھ کے رکھ
ناں رٹیا ایہہ میں سوہنےؐ دا میں کیتی ہور پڑھائی نہیں
اوہداؐ بولنا ایڈا مٹھا ایہہ سب لوکی بولنا بھُل جاندے
جہڑے سن لیندے گل سوہنےؐ دی اوہناں اپنی گگل سنائی نہیں
اوہدیؐ صورت ویکھنا حج میرا پرواہ نہیں مینوں فتویاں دی
میں گلاں دے وچ آندا نہیں راہ دل نوں ہور وکھائی نہیں
جہڑے در در دھکے کھاندے نیں اوہناں نوں دُھر دُھر ہندی اے
اک در میں مَل کے بیٹھا واں کیتی در در جا کے گدائی نہیں
سارا جگ طعنے دیوے گا توں اوہداؐ ایں اوہداؐ رہندا
مینوں پیراں وچ تھاں مل جائے مینوں منظور جدائی نہیں
چن توں ودھ اوہداؐ مُکھڑا ایہہ حسرت ایہہ میں اوہدی دید کراں
مُکھ ویکھ کے عید کراں گا میں ایویں میں عید منائی نہیں
اوہداؐ عشق وسایا ایہہ دل وچ عقیل قبر چ چانن ہووے گا
میرا مان رکھیں میں تیراؐ واں میرے پلّے ہور کوئی کمائی نہیں