سماع

empty profile

راشد حسن رانا

طبلے اُتے تھاپ پئے
تے جان ہڈاں وچ کنبے
تن دے وچ اکتارا بولے
ہوش نوں کوئی جھنبے
جسے دی پاتال چوں جویں
کوک جہی اک اُٹھے
سینے اندر دوری اوہدی
زخماں ونگر کٹھے
سچی سُر وچ ناں سچے دا
لکھاں رنگ وکھاوے
لو جہی اک دل دے اندر
اُچی ہوندی جاوے
سم د یاُتے اسم محمدؐ
آ کے گل مُکاوے
ساری کالخ اندر والی
سورج بن دی جاوے
عقلاں سمجھاں رخصت ہون
نشہ اک ایسا آوے
نفی اثبات دا چکر سارا
کھلر پُلر جاوے
لا دے ایس اک موڑ تے آ کے
مٹی کھُردی جاوے
اک ہون دی تانگھ نوں لے کے
نچ نچ یار مناوے!

اپنا تبصرہ گھلو