غزل
ارشد منظور
نہ جھوٹھ سیاست کر
کجھ سچ دی شناخت کر
ایہہ کرسی امانت اے
نہ وچ توں خیانت کر
بنجر ای نہ ہو جاوے
دھرتی دی حفاظت کر
ظلماں دا ہنیرا اے
اک وار مزاحمت کر
نفرت نوں اگ لا کے
دنیا تے محبت کر
سُر پیار الاپی جا
دن رات ریاضت کر
جے عدل نہ ہووے تے
فر کھل کے بغاوت کر
جگ دوزخ بن جاوے
نہ انج دی حماقت کر
کیوں ارشد چپ چپ ایں
اس گل دی وضاحت کر
Users Today : 587
Users Yesterday : 405
Total Users : 721255
Views Today : 7870
Total views : 11521375
Who's Online : 10
