غزل
ڈاکٹر عظمت اللہ عظمت
لنگھدی جاوے رات وے ڈھولا
کیوں نہیں ٹردی بات وے ڈھولا
تکنا کیہ ایں اسماناں نوں
پا ساڈے ول جھات وے ڈھولا
بندہ وی تے رب اے خورے
رب دی کہڑی ذات وے ڈھولا
کدی تاں ساڈی اکھ کتابوں
پڑھ ساڈے جذبات وے ڈھولا
موت دے مُلوں مہنگی لگدی
اکلاپے دی رات وے ڈھولا
عظمت جہڑی ذات ہے تیری
میری اوہو ذات وے ڈھولا
Users Today : 415
Users Yesterday : 405
Total Users : 721083
Views Today : 5560
Total views : 11519065
Who's Online : 12
