میرا میت بن گیا

بھپندرپنیوالیا

اکھر اکھر جوڑیا تاں گیت بن گیا
سُن سُن گیت اوہ میرا میت بن گیا
پوناں بن کے مزاجی جدوں کولوں لنگھیاں
مر جانیاں ناں میرے کولوں بھورا سنگیاں
فر فر وگیاں ہواواں ٰتے سنگیت بن گیا
سُن سُن گیت اوہ میرا میت بن گیا
لگدا سُبھاء اوہدا نِگھی دُھپ ورگا
کُجھ نہیوں اِتھے اوہدی کوری چُپ ورگا
کوسے کوسے ساہاں دی اوہ پریت بن گیا
سُن سُن گیت اوہ میرا میت بن گیا
سجرے جہے بول اوہدے ہر گل دسدے
مند مند نین اوہدے ہر ویلے ہسدے
جِت جِت دِل اوہ دِل جیت بن گیا
سُن سُن گیت اوہ میرا میت بن گیا
لُکدا نہ پیار کدے آپے رہے بولدا
ایہہ جگ تانئی دسے آپے بھیت رہے کھولٍدا
چوری چوری مِلنا پُرانی رِیت بن گیا
سُن سُن گیت اوہ میرا میت بن گیا