سُفنا

انورندیم علوی

اک ویکھیا میں سفنا
دل فیصلہ دے اپنا
جند جان دو رستے تے
سوچاں دا سمندر اے
بلھاں نوں تے سی لتا
طوفان تے اندر اے
صدیاں توں ایہ دل میرا
ویرانے دا مندر اے
اک ویکھیا سفنا میں
کس پاسے نوں جاواں میں
اک پاسے محبت سی
اک پیار دی جنت سی
ہر رنگ مرا اپنا
ہر پھل سی مرا گہنا
اک پاسے ایہ دنیا سی
بھانبھڑ جیہا بلدا سی
گل میرے چ لیراں سن
پیراں چ زنجیراں سن
زنجیر نوں توڑاں میں
کس پاسے نوں جاواں میں
دل فیصلہ دے اپنا
اک ویکھیا میں سفنا
جند جان دو رستے تے
سوچاں دا سمندر اے
دل فیصلہ دے اپنا