لہور

Dr Harbans kur gill

ڈاکٹر ہربنس کورگل

میں تکیا تاں نہیں سنیا ہے تیرے بارے
کہندے نیں چہرا تیرا بڑا دگدا لاہور
وِیر ساڈا سوہنا تے ہے مناں نوں موہنا
خدا روپ دتا رج کے چانن ہے جگ دا لاہور
بڑیاں ہی عجیب گلاں سنائوندا ہے تیریاں
پانی راوی چ جہڑا چھل چھل وگدا لاہور
کویں اپنیاں توں اج اڈ ہو کے رہ گیوں
بھلا دل تیرا کلے دا ہے کویں لگدا لاہور
اِک دُھو جیہی پیندی ہے میرے دل نوں سوہنیا
جد روپ ونت کہہ کوئی ناں لوے تیرا لاہور
مینوں تاں ایتھے سبھ بھائی بھتیجے جاپدے
کون کہندا اے کہ نہیں ایں توں میرا لاہور
آکھدے نیں جس نے لاہور نہیں اے ویکھیا
بھلا اوہ دنیا تے کاہدا آیا لاہور؟
اکو ماں دا دُدھ پی کے جتھے ہاں جوان ہوئے
ہُن مونہ اپنے توں کہاں کویں ہمسایا لاہور
تیرے ولوں آئون سدا سانوں سُکھاں دیاں سواں
آ کے مل جائیں کدے سُپنے وچ گِل نوں لاہور
بنیاں رہن تیرے اُتے رب دیاں رحمتاں
کھول رکھاں گی میں باہواں آ لگیں دل نوں لاہور

اپنا تبصرہ گھلو