غزل
منور شکیل
میں بلھاں دے ہاسے چلھے پائے نیں
تیرے سبھ دلاسے چلھے پائے نیں
اپنے ہتھیں کر کے کھانا سکھیا اے
یاراں دے بھرواسے چلھے پائے نیں
منزل ولّے جد میں پیر ودھائے نیں
سارے آسے پاسے چلھے پائے نیں
میں زہراں تے پل کے وڈا ہویا واں
تیرے کھنڈ پتاسے چلھے پائے نیں
سر دا بھار شکیل انج ہولا ہویا اے
جد میں تولے ماسے چلھے پائے نیں
Users Today : 305
Users Yesterday : 405
Total Users : 720973
Views Today : 3812
Total views : 11517317
Who's Online : 14
