غزل
سعد اللہ شاہ
موسم ہووے جس دا گہنہ
اوہو پھلّ ٹاہنی تے رہنا
دوویں کم ای سوکھے ہندے
جت کے لڑنا، ہار کے بہنا
تاں پھر دو کم اوکھے وی نے
نہ دکھ دینا، نہ دکھ سہنا
اگاں وی ایہہ لا سکدا ہے
اکھاں چوں ہنجواں دا بہنا
ہر اک ٹہنی خطرہ ہندی
جے کر ٹٹے پورا ٹہنا
مشکل ہندا خوشبو دے لئی
وا چلے تے پھلّ وچّ رہنا
شاہ جی بہتے وقتاں اتے
مشکل ہندا کجھ وی کہنا
Users Today : 114
Users Yesterday : 206
Total Users : 722366
Views Today : 1806
Total views : 11532591
Who's Online : 5
