غزل
حکیم ارشد شہزاد
مچھّی وانگ تلوئیاں سدھراں
سُولاں وچ پروئیاں سدھراں
ہک تے سِک دی پیڑ بٹھا کے
سینے وچ لکوئیاں سدھراں
ہتھ کسے نہ سِر تے دھریا
وانگ یتیماں روئیاں سدھراں
لمے چر توں ویکھ رہیا واں
آری ہیٹھ چروئیاں سدھراں
سوچ دے سِر وچ چِٹّے آ گئے
کدوں’ سُہاگن ہوئیاں سدھراں
ایہناں ہتھوں مر چلیا واں
پر نہ ارشد موئیاں سدھراں
Users Today : 259
Users Yesterday : 206
Total Users : 722511
Views Today : 7490
Total views : 11538275
Who's Online : 6
