غزل

قیصرمحمودگورایہ

کوئی جے چاء تباہ کر دے بڑا دُکھ دل نوں ہوندا اے
جدوں سجن دغا کردے بڑا دُکھ دل نوں ہوندا اے
جہدے تھیں سانجھ عمراں دی پریتاں وی بہت ہوون
جے اوہ ہی مُک مکا کر دے بڑا دُکھ دل نوں ہوندا اے
عشق دے ہتھ بے وس ہو کے بڑا رو کے تُھڑاں والے
مِلن دی جد دعا کردے بڑا دُکھ دل نوں ہوندا اے
دنیں راتیں جے رو رو کے سجن منگے ہوون رب توں
شریکا پے جدا کر دے بڑا دُکھ دل نوں ہوندا اے
ہجر دے سون موسم وچ تھڑاں دے اتھروآں دا ہڑھ
جدوں اکھیاں جھناہ کردے بڑا دُکھ دل نوں ہوندا اے
جہدی کیتی ہوئے سِر سٹ عمر ساری وفاداری
جے قیصرؔ اوہ جفا کردے بڑا دُکھ دل نوں ہوندا اے