چج ادبی پروار جھنگ دی چھتر چھاویں پنجابی ادبی اِکٹھ تے مشاعرہ

رپورٹ: سید علی قیصر

چج ادبی پروار جھنگ پنجاب پاکستان دی چھتر چھانویں پنجابی ادبی اکٹھ نشست مشاعرہ دا اہتمام 8 جنوری 2022 ہفتے آلے دیہاڑ 4 وجے ہادی ڈیرہ میاں صفدر محمود ایڈووکیٹ دارالسکینہ روڈ جھنگ صدر کیتا گیا ۔جس وچ جھنگ پنجاب پاکستان دے نامور شاعراں رلت کیتی ۔مشاعرہ دی سرپرستی پنجابی ادب دے نامور شاعر استاد الشعراء فخر جھنگ حاجی ملک عبد الطیف شیدائی ہوراں کیتی۔ صدارت جھنگ دے نامور شاعر استاد الشعراء فخر جھنگ مہر محمد ارشاد سجوکہ سیال ہوراں کیتی، مہمان خصوصی میاں صفدر محمود ایڈووکیٹ ہن۔ اعزازی مہمان حاجی محمد اقبال زرگر تے موضع ساہجھوال توں آئے ہوئے مہمان امیدوار جنرل کونسلر مہر سنی سجوکہ سیال تے مہر سجاد حسین بھروانہ ہن ۔
مشاعرہ دی شروعات تلاوتِ قرآنِ کریم توں کیتی گئی جس دی سعادت ملک صابر علی صابر ہوراں حاصل کیتی نعت رسول مقبول دی سعادت پنجابی ادب دے نامور شاعر استاد الشعراء حاجی ملک عبد الطیف شیدائی ہوراں حاصل کیتی۔ سٹیج سیکرٹری دے فرائض پنجابی ادب دے نامور شاعر خیرات علی خیرات
ہوراں ادا کیتے مری برفانی طوفان وچ فوت ہو ونجن آلیاں واسطے دعا مغفرت حاجی ملک عبد الطیف شیدائی ہوراں کرائی شعراء کرام وچ احمد بشیر لنگاہ، عبد الرحمن ساجد، ملک ملازم حسین، کاشی ملک ،صابر علی صابر، مہر احسان سجوکہ، محمد ریاض ،ایاز علی رضا نازش محمد نواز جگنو چوہدری، نذیر ارمان، مہر امتیاز ،احمد پرواز ،ناصر علی ناصر، محمد اسحاق علی ساقی ہوراں رلت کیتی ۔سارے شعراء کرام آپنا آپنا چونڑواں کلام سنایا تے ڈھگ ڈھگ داد حاصل کیتی مشاعرہ دے آخیر وچ میاں صفدر محمود ایڈووکیٹ ہوراں ولوں لذیز کھانے دا وی اہتمام کیتا گیا۔

اپنا تبصرہ گھلو