پرنسپل انفارمیشن افسر طاہرحسین اُمید دی اک کرن

لکھت:اعجاز علی ساغر

ریجنل تے علاقائی اخبارات ہر دور وچ ہر حکومت دی طاقت بنے نیں تے حکومتی پالیسیاں نوں موثر انداز وچ عوام تک اپڑایا اے1700توں ودھ اخبارات جہڑے ہمیشہ ای ہر سرکار نوں سپورٹ کردے آئے نیں جدوں وی وڈے اشاعتی گروپاں تے میڈیا ہاؤسز نے حکومتی پالیسیاں دا بائیکاٹ کیتا اوس ویلے ریجنل تے علاقائی اخباراں نے حکومتی پالیسیاں نوں من و عن من دیاں ایہنوں بھرویں کوریج دتی طاہر حسن صاحب پرنسپل انفارمیشن افسر تعینات ہوئے تے اوہناں نوں اکٹھے کئی چیلنجز درپیش سن جہدے وچ سب توں وڈا مسئلہ کرپشن تے کرپٹ مافیا سن جہڑے ڈمی اخباراں لئی 40توں 50فیصد تے اشتہارات لے کے پبلش کردے سن ایس طرح حقدار دا حق ماریا جا رہیا اے تے ایہ سلسلہ PIDاسلام آباد سنے چاراں صوبیاں وچ پھیلیا ہویا سی خاص کر سندھ پنجاب تے کے پی کے ایہدے گڑھ بنے ہوئے سن ایس لئی اوہناں نے چارج سنبھالدیاں ای سب توں پہلاں Centerlized پالیسی اپنائی تے ساری ایڈورٹائزمنٹ اسلام آباد منگوا لئی فیر سارے اخباراں نوں عمران خان تے تحریک انصاف دے حق وچ کالمز تے فیچر لکھن نوں آکھیا تے ایڈورٹائزمنٹ نوں ایہدے نال مشروط کردتا اوہناں دی ایس پالیسی نوں وڈے اخباراں تے میڈیا ہاؤسز نے ریجیکٹ کیتا پر ریجنل تے علاقائی اخباراں نے اوہناں دے حکم تے لبیک آکھیا فے فل فل پیج ایڈیشنز تے کالمز دی صورت وچ دین لگے پر طاہر حسن صاحب چونکہ پنجاب تے کے پی کے وچ شعبہ ایڈورٹائزمنٹ تے اسلام آباد وچ بطور ڈائریکٹر ABCکم کر چکے سن ایس لئی اوہ ایہناں سب باریک بینیاں توں چنگی طرح واقف سن ایس دوران طاہر حسن صاحب نے ڈمی اخباراں نال نبڑن لئی اک پالیسی ترتیب دتی جہڑے اخبار ویب سائٹ اُتے نیں اوہناں نوں میڈیا ملے گا جہڑے نہیں ہون گے اوہناں نوں کسے صورت ایڈورٹائزمنٹ نہیں ملے گی تے پرنسپل انفارمیشن افسر طاہر حسن صاحب نہ صرف سرکار لئی اک مضبوط پل دا کردار ادا کر رہے نیں سگوں مشیر اطلاعات ڈاکٹر فردوس عاشق دی شب روز محنت نوں وی بہترین پبلسٹی دے راہیں چار چن لا رہے نیں۔ مشیر اطلاعات فردوس عاشق جہناں نے دن رات اک کرکے تحریک انصاف تے عمران خان دی جس طرح ترجمانی کیتی اے اوہناں دی ایہ کوششاں تے کاوشاں قابل تحسین یں اک عورت زاد ہو کے ہر پلیٹ فارم تے بھرویں ترجمانی کرکے اوہناں نے ثابت کر دتا اے کہ اوہ واقعی اک قابل شخصیت نیں تحریک انصاف تے عمران خان نوں ایس نازک ویلے وچ اک اجہی شخصیت دی لوڑ سی جہڑی ابلاغ عامہ سنے ہر فورم تے اوہناں دی بہترین تے موثر ترجمانی کرے تے اپوزیشن دے تندوتیز سوالاں تے پریس کانفرنساں دا موثر جواب دیوے جو حقیقی معنیاں وچ فردوس عاشق نے ثابت کر وکھایا کہ اوہ ہر فورم تے سرکار دی بہترین تے موثر ترجمانی کرنا جاندیاں نیں اوہناں دی انتھک محنت دا اندازہ تسیں ایس گل توں لاؤ کہ صبح دا ناشتہ اوہ شام نوں اک تھاں توں دوجی تھاں ٹریول کردیاں گڈی وچ کردیاں نیں اوہناں کول ناشتے تے کھان تک دا ٹائم نہیں بچدا، پرنسپل انفارمیشن افسر طاہر حسن اوہناں دے شانہ بشانہ دن رات محنت کر رہے تے حکومت بیانیے نوں بہترین تے موثر انداز وچ عوام تک اپڑا رہے نیں تے اوہ ریجنل تے علاقائی اخبارات جہڑے سرکار دی طاقت نیں اوہناں نوں نال لے کے چل رہے نیں۔ پہلاں ایہ ہوندا سی کہ ریجنل اخبارااں توں سپورٹ تے لئی جاندی سی پر اوہناںنوں کجھ دتا نہیں جاندا سی پر پرنسپل انفارمیشن افسر طاہر حسن نے ایہناں اخباراں نال وابستہ بندیاں نال وعدہ کیتا کہ ریاست دا درجہ ماں ورگا ہوندا اے تے ماں اپنی اولاد دا حق نہیں رکھدی اوہناں نے برملا آکھیا ریاست تہاڈا احسان ضرور اتارے گی بس تسیں لوک مثبت صحافت نال ایس ریاست نوں سپورٹ کرو۔ مشیر اطلاعات فردوس عاشق تے تحریک انصاف نوں پرنسپل انفارمیشن افسر طاہر حسن نوں ہور تقوریت دینی چاہیدی اے تے فنڈز دا اجرا کرنا چاہیدا تاں جے ایڈورٹائزمنٹ دے راہیں حکومتی پالیسیاں تے بیانیے نوں بہترین تے موثر انداز وچ عوام تک اپڑایا جا سکے کیوں جے ایہ پرنسپل انفارمیشن افسر جناں مضبوط تے طاقتور ہووے گا اوناں ای سرکار نوں فائدہ ہووے گا جہڑا دوست تے دوست دشمن نوں وی نال لے کے چلے تے سرکار لئی آسانیاں پیدا کرے تاں جے سرکار مضبوط توں مضبوط تر ہووے پرنٹ تے الیکٹرانک میڈیا نال وابستہ بندیاں دی پرنسپل انفارمیشن افسر طاہر حسن توں بہت ساری امیداں وابستہ نیں۔ ایہ انڈسٹری تباہ حال ہوئی پئی سی پر ہن آس جاگی اے کہ ہن کجھ بہتر ہو جاوے گا کیوں جے وزیراعظم پاکستان عمران خان دا اپنی قوم نال وعدہ اے کہ تباہ حال اداریاں نوں اپنے پیراں تے کھڑا کرن گے تے اوہناں دا ایہ ویژن مشیر اطلاعات فردوس عاشق تے پرنسپل انفارمیشن افسر طاہر حسن احسن طریقے نال پورا کر رہے نیں۔

اپنا تبصرہ گھلو