طبیہ کالج گوجرانوالہ دا چھیواں ورھے وار کانووکیشن

رپورٹ:
پروفیسر حکیم سید عمران فی

تعمیرکردار ایجوکیشنل سوسائٹی حقیقی معنیاں وچ انسانیت دی خدمت کر رہی اے ایہدے صدر پروفیسر حکیم و ڈاکٹر رانا طاہر پرویز بھٹی تے اوہناں دے ساتھی مہوش رزاق‘ شعیب صدیق‘ رانا سرفراز احمد‘ رانا شاہ نواز‘ رانا محمد خان‘ حکیم کلیم اللہ سعید‘ چوہدری عمران‘ حکیم عبدالوہاب‘ کرنل (ر) محمد اعظم‘ رانا عبدالمجید‘ شیخ بشیر‘ محترمہ مہوش ربانی‘ عبدالعزیز بھٹی ایڈووکیٹ‘ سید اکمل رضوی ایڈووکیٹ تے ناظم سہیل نارو ایڈووکیٹ شامل نیں۔طبیہ کالج گوجرانوالہ دا چھیواں کانووکیشن زیرصدارت بابائے طب و فخر اطباء پروفیسر طبیب و ڈاکٹر رانا طاہرپرویز بھٹی ہویا۔ جد کہ مہمان خصوصی سابق صدر نیشنل کونسل فار طب و مشیر طب طبیب رضوان حفیظ ملک (ستارئہ امتیاز) سن۔ جد کہ مہمانان گرامی وچ ممبران نیشنل کونسل فار طب طبیب راحت نسیم سوہدروی چیئرمین انسپکشن کمیٹی‘ طبیب نسیم احمد قاسمی وائس چیئرمین سلیبس کمیٹی‘ طبیب فرید احمد فیضی ممبر امتحانی کمیٹی‘ رانا عبدالعزیز بھٹی ایڈووکیٹ شامل سن۔ دوجے مہمانان اعزاز وچ طبیب عمران لودھی‘ طبیب شفیع طالب قادری‘ طبیب سجاد زخمی‘ طبیب عبدالرزاق گٹی والے‘ طبیب محمد ادریس‘ طبیب سید مراد علی شاہ‘ طبیب رب نواز شامل سن ۔ایس عظیم الشان کانووکیشن وچ دوجے علاقیاں توں آن والے معزز مہماناں وچ سیالکوٹ توں طبیب سلیم ڈودھی‘ طبیب خواجہ محمد اقبال ‘ طبیب یاسر عماد ضیغم‘ طبیب رخسار‘ طبیب ملک اشرف‘ لہور توں طبیب سید عمران فیاض‘ طبیب آصف نور‘ طبیب نصراللہ ناصر‘ طبیب حارث نسیم سوہدروی‘ نارووال توں طبیب سعید الحسن ‘ طبیب محمد ارشد‘ عارف والا توں طبیب علاج دین سنے گوجرانوالہ ڈویژن توں اطباء اکرام نے ایس کانووکیشن وچ شرکت کیتی۔ کانووکیشن وچ شریک مہماناں دا کالج انتظامیہ تے طلبہ نے بھرویں انداز وچ استقبال کیتا۔ مہماناں تے پھُلاں دیاں پتیاں نچھاور کیتیاں گئیاں۔ ایہناں نوں طلائی مالا تے پھُلاں دے گلدستے پیش کیتے گئے۔ کانووکیشن دا باقاعدہ آغاز تلاوت قرآن پاک توں ہویا جہدی سعادت حافظ محمدالطاف نے حاصل کیتی جد کہ حمدباری تعالیٰ ثناء ریاض تے نعت رسول مقبولؐ دی سعادت محمد عرفان سخاوت نے حاصل کیتی۔ بعد وچ کالج دے سٹاف تے مہماناں نے قومی ترانہ گایا۔ جہدے احترام وچ سارے حاضرین اپنیاں سیٹاں توں کھلو گئے۔ سٹیج سیکرٹری دے فرائض طبیب سید کاشف علی‘ طبیب اصغرعلی تے طبیب خالد یعقوب نے نبھائے۔ سپاس نامہ و صدارتی خطاب پروفیسر ڈاکٹر و طبیب رانا طاہر پرویز بھٹی نے بیان کیتا۔ اوہناں نے تعمیر کردار ایجوکیشن سوسائٹی دی 25 ورھے دی کارکردگی تے روشنی پائی۔ طبیب رضوان حفیظ ملک‘ سابق صدر این سی ٹی طبیب راحت نسیم سوہدروی‘ طبیب فرید فیضی تے طبیب نسیم قاسمی نے کونسل دی کارکردگی تے بڑی جامع تے پراثر روشنی پائی۔ اوہناں نے طلبہ نوں مطالعہ تے زور دین دا کہیا۔ ایہدے بعد 2018ء تے 2019ء دے فارغ التحصیل طلبہ وچ ڈپلومے‘ گولڈ و سلور میڈلز‘ شیلڈاں تے سرٹیفکیٹس ونڈے گئے۔ بعد وچ پروہنیاں وچ لائف ٹائم اچیومنٹس ایوارڈ ونڈے گئے۔ کالج وچ پہلی پوزیشن لین والیاں نوں سواتی ایوارڈز وی دتے گئے۔ اجمل دواخانہ‘ الکاسی فارمسی تے مکتبہ دانیال نے دوائیاں تے کتاباں دے سٹال لائے تے پروہنیاں وچ تحفے ونڈے۔ پروہنیاں تے طلبہ دے اعزاز وچ بڑے پرتکلف ظہرانے دا پربندھ وی کیتا گیا سی۔ مہماناں نے 1997ء وچ کالج دے قیام توں لے کے ہن تک مسلسل چھ کامیاب کانووکیشن منعقد کرن تے کالج انتظامیہ نوں دلی مبارکباد پیش کیتی۔ تقریب وچ حکیم آصف بٹ، حکیم عرفان صدیقی، حکیم میاں طاہر حسین، حکیم اسلم بٹ، حکیم عمر ہاشمی، حکیم مقدس علی، حکیم عظیم عظیمی، حکیم راحت علی غوثیہ، حکیم غلام مرتضیٰ، حکیم رانا فرید، حکیم خواجہ فاروق، حکیم قمر عباس، حکیم عبدالرحمن، حکیم محمد اکرم، حکیم ایم اے نعیم سنے اطباء دی چوکھی گنتی نے شرکت کیتی۔