بم تے دم

لكهت:ناصر اقبال خان

انسان قدرتی آفات دا راہ نہیں روک سکدا پر مناسب تے ویلے اُتے منصوبہ بندی نال اپنے آپ نوں کافی حد تیکر ایہناں دے نقصانات توں بچا سکدا اے جد کہ انساناں دے ہتھوں جیہڑے سانحے رونما ہوندے نیں ایہناں نوں روکنا ساڈے اپنے اختیار وچ اے۔ جے کسے دریا وچ پئے جان والے شگاف نوں شروع وچ مضبوطی نال بند کر دتا جائے تے شہر تے شہریاں نوں سیلاب توں بچایا جا سکدا اے۔ حادثے تے سانحات چپ کر کے نہیں ہوندے بلکہ ایہہ کئی وار دستک دیندے نیں پر ایہناں دے پیراں دی چاپ ہر کوئی نہیں سن سکدا۔ سی سی پی او لہور عمر شیخ ولوں مسلسل اپنے ماتحت افسراں تے اہلکاراں نوں دھمکان تے ایہناں نوں گالیاں دین دے شرمناک واقعے ایس گل ول اشارہ کر رہے نیں کہ جے ایس انتہا پسند بندے نوں حساس منصب توں فوری نہ ہٹایا گیا تے خدانخواستہ لہور وچ سانحہ پی آئی سی توں وڈا سانحہ پیش آ سکدا اے۔ساڈے کول حکمران دلخراش واقعے توں بچائو لئی ویلے اُتے ٹھیک تدبیراں اپنان دی بجائے ڈیزاسٹر دا انتظار کردے تے جدوں بند ٹٹ جائے تے فیر ہڑ بڑا کے اٹھدے نیں پر ایس ویلے تیکر پل دے تھلیوں توں بوہت سارا پانی لنگھ چکیا ہوندا اے۔تبدیلی سرکار والے ورثے وچ ملے بحراناں اُتے قابو پان دی بجائے مقروض ملک وچ مزید بحران پیدا کردے چلے جا رہے نیں۔ مہنگائی دے ، بم، نال عوام دا ،دم، نکل گیا اے۔ تبدیلی سرکار نے قوم نوں مایوسی، محرومی تے بددلی دے سوا کجھ نہیں دتا۔ میں تبدیلی سرکار، نوں تبادلے سرکار، لکھنا واں کیوں جے اناڑی کپتان تے ایہناں دے نادان ٹیم ممبر پولیس سنے مختلف شعبہ جات وچ بہتری لئی دورر س اصلاحات دی بجائے پروفیشنل افسراں دے دھڑا دھڑ تبادلے کر رہے نیں جد کہ زیر تربیت عثمان بزدار نیب دے راڈار وچ آن دے باوجود اپنے منصب اُتے برقرار اے۔ پنجاب وچ گڈ گورننس لئی بزدار دی تبدیلی ناگزیر سی تے ناگزیر اے پر کپتان دے ہتھوں صوبائی محکمیاں وچ مسلسل اکھاڑ پچھاڑن ایس صوبے نوں ،اکھاڑہ، بنا دتا بلکہ ایس دا کباڑہ کر دتا اے۔
وزیراعظم نوں ایہہ گل سمجھنی ہوئے گی ہزاراں ہزدار اک بردبار، دا متبادل نہیں ہو سکدے۔ عمران خان نے عثمان بزدار وچ جیہڑی قابلیت ویکھی اوہ اج تیکر ساڈی اکھاں توں کیوں لُکی اے۔ کپتان اپنے ٹیم ممبرز دے نال اپوزیشن تے مافیاز نوں نہیں ہرا سکدے۔ عمران خان نوں اپنے وعدے وفا تے ڈیلیو ر کرن لئی اپنا مائنڈ سیٹ تے پنجاب دا منتظم اعلیٰ بدلنا ہوئے گا۔ کپتان اپنے نااہل تے ناتواں ٹیم ممبرز دے نال طاقتور اپوزیشن دا مقابلہ نہیں کر سکدے۔ نواز شریف دا پاک فوج دے سپہ سالار جنرل قمر جاوید باجوہ اُتے انگلی چکنا تبدیلی سرکار دی نااہلی تے کمزوری دا شاخسانہ اے۔ اک تاحیات نااہل، مفرور تے عدالت دا اشتہاری بندا کس حیثیت وچ پاکستان دی دفاعی قیادت توں جواب یا حساب منگ رہیا اے۔ نواز شریف وچ دم ہے تے ریاست نوں بلیک میل کرن دی بجائے اپنے خلاف مقدمیاں دا ساہمنا کرن۔ پاک فوج دا دشمن پاکستان دا عدوست تے محب نہیں ہو سکدا۔ پاک فوج دے ترجمان نوں نواز شریف دی کسے گل اُتے تبصرہ کرن دی لوڑ نہیں کیوں جے ایہناں عناصر نوں جواب دین دا بیڑہ قلم قبیلے نے چکیا ہویا اے۔ عمران خان دی میڈیا ٹیم وچ شامل زیادہ تر لوک سیاسی یتیم تے چلے ہوئے کارتوس نیں، ایہناں نوں تے ایہناں دے بیاناں نوں سنجیدہ نہیں لیا جاندا۔ تبدیلی سرکار نے نہ صرف مردہ اپوزیشن نوں زندہ تے متحد کر دتا بلکہ فیاض الحسن چوہان دی صورت وچ نادان ترجمان اپنے احمقانہ بیاناں نال اپوزیشن نوں کائونٹر کرن دی بجائے الٹا ایس دی سیاسی پوزیشن نوں مزید بہتر کر رہے نیں۔ فیاض الحسن چوہان دا ہر بیان بیک فائر کر جاندا اے۔ عمران خان نے اپنے سینکڑے حامیاں نوں ترجمان بنا دتا پر ایہناں وچ کوئی اک وی تاثیر بھرے انداز نال گل کرن دا ہنر نہیں جان دا۔ حکومت تے اپوزیشن وچ انج دا کوئی وی نہیں جیہڑا گل کرے تے اوہ عوام دے دل وچ لہہ جائے۔ اہل سیاست یاد رکھو نظام دی تبدیلی لئی رواداری تے بردباری دی لوڑ اے۔
حکومت تے اپوزیشن نوں محاذ آرائی توں گریز کرنا ہوئے گا۔ متحدہ اپوزیشن یا پی ڈی ایم دے پلیٹ فارم توں جس کسے نے نواز شریف دے بیانیہ دی تائید کر دتی اوہ عوام دے غضب دا نشانہ بنے گا۔
تبدیلی س رکار پولیس کلچر تبدیل کرن دے حق وچ نہیں نہیں تے فرض شناس، فائق تے مشتاق محمد طاہر نوں مھض اک مہینے بعد آئی جی پنجاب دے منصب توں نہ ہٹایا جاندا۔ مستعد تے نیک نام محمد طاہر نوں ہٹانا تبدیلی سرکار دی ہٹ دھرمی سی۔ اج جے محمد طاہر آئی جی ہوندے تے پنجاب پولیس وچ روزانہ دی بنیاد اُتے ٹرانسفر پوسٹنگ دا سونامی نہ آندا۔ شعیب دستگیر آئی جی تعینات ہوئے تے اوہناں نے کسے سوچ بچار تے مستند معلومات دے بغیر انھے واہ تبادلے کیتے۔ لہور دے انتہائی زیرک، سنجیدہ تے فہمیدہ سی سی پی او بی اے ناصر نوں کسے جواز دے بغیر ہٹا دتا تے فیر پی آئی سی وچ جس اندوہناک سانحے نے جنم لیا ایس دا زخم اج وی تازہ اے۔بی اے ناصر بوہت منجھے تے سلجھے ہوئے انداز نال ڈیلیور کر رہے سن۔ ایہناں دے ہتھوں ماتحت افسراں تے اہلکاراں سنے شہریاں دی عزت نفس محفوظ سی۔ عزت دار، اوہ ہوندا اے جس دے کول بوہت عزت ہوئے۔قانون فطرت اے عزت ایس نوں ملے گی جیہڑا دوجیاں نوں عزت دیوے گا۔ بی اے ناصر اک عزت دار دی حیثیت نال دوجیاں نوں عزت دیندے تے ناجائز سزاواں توں گریز کردے سن۔ بی اے ناصر اج جتھے وی نیں اپنے اہلکاراں دی دعاواں تے وفاواں دا محور نیں۔ لہور پولیس دی قیادت کردے ہوئے اپنی قائدانہ صلاحیت تے انتظامی قابلیت منوان والے سابقہ نیک نام سی سی پی او کیپٹن (ر) محمد امین وینس وی اپنے ماتحت افسر تے اہلکاراں دی محکمانہ کارکردگی اُتے ہر گز سمجھتہ نہیں کردے سن پر اپنے ٹیم ممبرز دے نال ایہناں دا رویہ بوہت پیشہ ورانہ تے دوستانہ سی۔ ایڈیشنل آئی جی کیپٹن (ر) محمد امین وینس دی آبرومندانہ ریٹائرمنٹ دے کئی مہینے بعد وی ایہناں دی ٹیم وچ کم کرن والے اہلکار ایہناں دے نال والہانہ محبت تے عقیدت دا دم بھردے نیں۔ اج شہر لہور دے شہریاں سنے پولیس افسرتے اہلکار ہر سویر اٹھن توں بعد ایہہ دعا ضرور کردے نیں، اے اللہ کسے نیک دے متھے لانا، ایہناں وچوں کوئی وی عمر شیخ دا ساہمنا نہیں کرنا چاہندا۔ جدوں تیکر عمر شیخ اپنے اختیارات نوں ناجائز استعمال کردے ہوئے اپنے ماتحت افسراں دی عزت اچھالدا رہوے گا تے کوئی اک اہلکار وی سچے دل نال ایس دی عزت نہیں کرے گا۔ اوہ پولیس افسر یا اہلکار جس نوں دوران ڈیوٹی شر پسند عناصر گولیاں مارن لئی تیار بیٹھے ہوندے نیں اوہ جدوں سی سی پی او عمر شیخ دے اجلاس وچ جاندا اے تے ایہنوں اوتھوں گالیاں سننیاں پیندیاں نیں ۔ عمر شیخ نوں ترقی کیوں نہیں دتی گئی ایس دی وجہ ہن ہر کسے دے علم وچ اے تاں اوہ دوجیاں نوں گالیاں تے سزاواں نہیں دے سکدا کیوں جے ایس دا اپنا دامن صاف نہیں۔ عمران خان نے جس عمر شیخ دی ترقی دی تجویز مسترد کرن دے بعد ایہنوں لہور پولیس دی اصلاح دا ٹاسک دتا ایہنوں دوجیاں توں زیادہ اصلاح دی لوڑ اے۔ آئی جی پنجاب دھڑا دھڑ تبادلے کر رہے نیں جد کہ ایس ایس پی آپریشنز لہور دی سیٹ خالی اے، ایس منصب لئی پروفیشنل تے فرض شناس ایس ایس پی محمد نوید موزوں رہن گے۔
سابقہ آئی جی شعیب دستگیر نے جس طرح عجلت بلکہ مجرمانہ غفلت دا مظاہرہ کردے ہوئے بی اے ناصر نوں ہٹایا سی، اوہناں نے یقینا ایس دی عزا عمر شیخ دی صورت وچ بھگت لئی اے جد کہ لہور پولیس دے ا فسر تے اہلکار وی مایوسی تے بددلی دے نال ایس سزا دا ساہمنا کر رہے نیں۔ تبدیلی سرکار دے ہر اک ناقص بلکہ متنازعہ فیصلے دی قیمت بیچارے عوام نوں وی چکانا پئے رہی اے۔ بدانتظامی تے بدنظمی وچ بوہت گہرا رشتہ اے پر شروع دن توں کپتان دا دھیان ایس ول نہیں کیوں جے موصوف حکومت نہیں بلکہ سیاست کر رہے نیں تے 24 ورھے وچ وی اوہناں نے سیاست نہیں سکھی جد کہ انج کوئی وی انسان جیہڑا سیاست توں نابلد ہوئے اوہ ریاست دے انتظامی امور احسن انداز نال انجام نہیں دے سکدا۔ عثمان بزدار تے فیاض الحسن چوہان وانگوں عمر شیخ وی کپتان دا انتخاب اے تے ایس انتخاب دا عذاب عوام بھگت رہے نیں۔عمر شیخ دا جارحانہ تے عاقبت نا اندیشانہ رویہ دس رہیا اے ایس دے منصب دی عمر زیادہ لمبی نہیں ہوئے گی کیوں جے ہر عہد دے فرعون لئی کوئی موسیٰ ضرور ہوندا اے۔ سی سی پی او لہور دی حیثیت نال تقرری دے بعد جس طرح عمر شیخ دا ناں تنازعات وچ آ رہیا اے ایس دے بعد، اوہ زیادہ ناکام اے یا زیادہ بدنام اے، ایس گل دا فیصلہ کرنا آسان نہیں۔ سی آئی اے لہور دے سابقہ انتھک تے متحرک سربراہ ایس پی عاصم افتخار نے اپنے کم توں منوا لیا اوہ لہور پولیس دا سرمایہ افتخار نیں، سانحہ موٹر وے دے مرکزی ملزم عابد ملہی دی گرفتاری دا کریڈٹ عاصم افتخار توں کوئی نہیں کھوہ سکدا۔ عمر شیخ دے منفی رویے دے خلاف عاصم افتخار دا اک عزت دار انسان دی حیثیت نال ری ایکشن فطری تے جائز سی، عاصم افتخار لہور پولیس دے
معتوب اہلکاراں لئی مزاحمت دا استعارہ تے ہیرو بن گئے۔ ایس پی عاصم افتخار دی ٹرانسفر انتظامی نہیں انتقامی بنیاداں اُتے کیتی گئی، آئی جی انعام غنی ضرورت توں زیادہ مصلحت پسند اے۔ انعام غنی دی صورت وچ کمزور ترین آئی جی جد کہ عمر شیخ دی شکل وچ زبان دراز سی سی پی او اج تیکر نہیں ویکھیا۔ سی سی پی او عمر شیخ اپنے ماتحت افسراں نوں گالیاں دیندا جد کہ کمزور ترین آئی جی انعام غنی خاموشی نال ایہناں نوں ٹرانسفر کردا جائے گا۔ عمر شیخ تے عاصم افتخار دے وچکار حالیہ تلخی دے بعد ایس پی سی آئی اے عاصم افتخار دی ٹرانسفر عمر شیخ دی جت نہیں بلکہ ہار اے۔ سچائی ایہہ اے پروفیشنل عاصم افتخار کمبوہ نوں ایس گھٹن توں نجات مل گئی جیہڑی عمر شیخ دے آن نال لہور پولیس دا مقدر بن گئی اے۔ تاں آئی جی انعام غنی نے عاصم افتخار نوں تبدیل کر کے جیہڑا پیغام دتا ایس دے مطابق ہن ہر کسے نوں عمر شیخ دی گالیاں خاموشی نال سہنیاں پین گیاں تے جس کسے نے مزاحمت کیتی ایہنوں ٹرانسفر کر دتا جائے گا پر میں سمجھنا واں جس باضمیر افسر نوں ملازمت دی بجائے اپنی عزت نفس عزیز ہوئے گی اوہ مزاحمت کار تے باوقار عاصم افتخار دی تقلید کرنا پسند کرے گا۔