کسے کھڈاری تے پاکستان ٹیم دے بوہے بند نہیں کیتے سن: مکی آرتھر

کراچی: سری لنکن کرکٹ ٹیم دے کوچ مکی آرتھر دا کہنا اے ایہ تاثر ٹھیک نہیں کہ میری وجہ توں کجھ کھڈاری پاکستان ٹیم دا حصہ نہیں بن سکدے سن۔ پاکستان دے نال گہری وابستگی تے والہانہ لگاؤ اے، پر ایس ویلے حریف سائیڈ نال تعلق اے، مصباح الحق نال کوئی رقابت نہیں، بطور کوچ پاکستان کرکٹ ٹیم دی بہتری لئی سوچیا، پاکستان دے دورہ تے آن والی سری لنکا دی ٹیم دے کھڈاریاں وچ ٹیلنٹ موجود اے۔

نیشنل سٹیڈیم کراچی وچ پریس کانفرنس کردیاں قومی کرکٹ ٹیم دے سابق ہیڈ کوچ مکی آرتھر نے آکھیا پاکستان کرکٹ ٹیم دے نال گزارے تن ورھیاں دا ہر لمحہ دل تے نقش تے یادگار اے، پاکستان ٹیم دی میرے دل وچ تھاں موجود اے، دوبارہ پاکستان آ کے چنگا لگا، میں کوچ دی حیثیت نال ہمیشہ ٹیم دی بہتری لئی سوچیا، میں کسے کھڈاری تے پاکستان ٹیم دے بوہے بند نہیں کیتے، کرکٹ وچ پسند ناپسند نہیں ہوندی۔

اپنا تبصرہ گھلو