کارکردگی نہ وکھا سکیا تے کرکٹ نوں خیرباد کہہ دیواں گا: اظہر علی

کراچی: پاکستان ٹیسٹ کرکٹ ٹیم دے کپتان اظہر علی دا کہنا اے بدقسمتی نال پچھلے ٹیسٹ میچ وچ وی رنز نہیں کر سکیا سی جے کارکردگی نہ وکھا سکیا تے کرکٹ نوں خیرباد کہہ دیواں گا۔

نیشنل سٹیڈیم وچ پریس کانفرنس نال خطاب کردیاں پاکستان کرکٹ ٹیم دے کپتان اظہر علی دا کہنا سی کراچی ٹیسٹ لئی پراعتماد آں، کراچی دی وکٹ بہت متوازن نظر آندی اے ایس لئی وکٹ نوں ویکھ کے ٹیم منتخب کیتی اے پر اعلان میچ توں پہلاں ہووے گا۔

اوہناں دا کہنا سی فواد عالم نوں لوڑ تے استعمال کراں گے جد کہ عابد علی نوں پنج ورھے پہلاں ای ٹیسٹ دا حصہ بن جانا چاہیدا سی۔

اظہر علی آکھیا مثبت تنقید ہونی چاہیدی اے تے دفاعی کپتانی دا تاثر ٹھیک نہیں، ٹیم بتدریج بہتری ول جا رہی اے، بولنگ وچ نوجوان تے نویں مُنڈے نیں جہڑے بہتری ول ودھ رہے نیں، شاہین شاہ تے نسیم شاہ چنگی بولنگ کر رہے نیں۔