پاکستان تے بنگلہ دیش وچکار سیریز دا شیڈول طے ہو گیا

لہور: پاکستان تے بنگلہ دیش وچکار ٹیسٹ تے اک روزہ میچاں دی سیریز دا شیڈول طے ہو گیا اے۔ شیڈول دے مطابق سیریز وچ شامل 3ٹی ٹونٹی، اک ون ڈے تے 2ٹیسٹ میچز پاکستان وچ ہون گے، شیڈول نوں حتمی شکل پاکستان تے بنگلہ دیش کرکٹ بورڈ حکام دی ملاقات وچ دتی گئی جد کہ آئی سی سی دے چیئرمین ششانک منوہر نے معاملات طے کرن وچ معاون دا کردار ادا کیتا اے۔

نویں شیڈول دے مطابق بنگلہ دیش کرکٹ ٹیم 24توں 27جنوری تک لہور وچ تن ٹی ٹونٹی میچز کھیڈے گی، مہمان ٹیم 7توں 11فروری تک راولپنڈی وچ اک ٹیسٹ میچ کھیڈے گی جد کہ پی ایس ایل دے بعد دوواں ٹیماں دا اک ون ڈے 3اپریل نوں کراچی وچ کھیڈیا جاوے گا، دوواں ٹیماں وچکار دوجا ٹیسٹ 5توں 9اپریل تک کراچی وچ ہووے گا۔