بنگلہ دیش دے خلاف ٹی ٹونٹی سیریز لئی قومی سکواڈ دا اعلان

لہور: بنگلا دیش دے خلاف ٹی ٹونٹی سیریز لئی قومی اسکواڈ دا اعلان کردتا گیا جہدے وچ شعیب ملک تے محمد حفیظ دی واپسی ہوئی اے۔

لہور وچ قومی ٹیم دے چیف سلیکٹر مصباح الحق نے کپتان بابراعظم تے ندیم خان دے نال پریس کانفرنس وچ بنگلادیش دے خلاف قومی اسکواڈ دا اعلان کیتا جہدے وچ تجربہ کار آل راؤنڈر شعیب ملک تے محمد حفیظ دی واپسی ہوئی اے جد کہ حارث رؤف نوں پہلی واری قومی اسکواڈ وچ شامل کیتا گیا اے۔بنگلادیش دے خلاف ٹیم دی قیادت بابراعظم کرن گے تے دوجے کھڈاریاں وچ محمد حفیظ، احسان علی، خوشدل شاہ، شعیب ملک، محمد رضوان، عماد بٹ، افتخار احمد، عماد وسیم، شاداب خان، عثمان قادر، شاہین شاہ آفریدی، محمد حسنین، حارث رف، موسیٰ خان شامل نیں۔قومی ٹیم دے اوپننگ بلے باز فخر زمان، امام الحق، حارث سہیل، آصف علی ، محمد عامر، وہاب ریاض تے محمد عرفان نوں ڈراپ کردتا گیا اے۔