مایوس نہیں، ہن وی پاکستان لئی پرفارم کر سکنا آں: شعیب ملک

لہور: قومی ٹیم دے سابق کپتان شعیب ملک دا کہنا اے قطعی طور تے مایوس نہیں آں تے ہن وی پاکستان لئی پرفارم کر سکنا آں۔

آل راؤنڈر شعیب ملک دا کہنا اے دور دے اہداف تے نظر نہیں رکھدا، ورلڈ کپ بارے نہیں سوچ رہیا، بنگلہ دیش دے خلاف سیریز وچ چنگی کارکردگی تے توجہ مرکوز ہووے گی، بطور سینئر اپنا کردار ادا کرن دی کوشش کراں گا، نوجواناں نوں مواقع ملن نال مستقبل وچ وی نویں بابر اعظم ملن گے، پاکستان ولوں کھیڈن توں ودھ فخر دی کوئی گل نہیں، میں تے محمد حفیظ نے ہمیشہ نوجوان کرکٹرز دی مدد کیتی، کپتان ہونا ضروری نہیں۔

آل راؤنڈر آکھیا قطعی طور تے مایوس نہیں آں، ہن وی پاکستان لئی پرفارم کر سکنا آں، سنٹرل کنٹریکٹ تے نوجوان کرکٹرز دا حق اے، اوہناں نوں طویل عرصہ ملک دی نمائندگی کرنی اے، بنگلہ دیش سنے غیر ملکی کرکٹرز پاکستان وچ سکیورٹی بارے پچھدے نیں، بنگلہ دیشی کرکٹرز دی اکثریت آن لئی تیار سی، ایتھے سکیورٹی تے شاندار ماحول ویکھ کے دوجے وی آئندہ آن لئی تیار ہون گے۔

اپنا تبصرہ گھلو