پنک بال دے نال ڈے اینڈ نائٹ ٹیسٹ کھیڈن دا منتظر آں: امام الحق

قومی کرکٹ ٹیم دے اوپننگ بلے باز امام الحق دا کہنا اے اوہ پنک بال دے نال ڈے اینڈ نائٹ ٹیسٹ میچ کھیڈن دے منتظر نیں۔

پاکستان ٹیم برسبین توں ایڈیلیڈ اپڑ چکی اے جتھے اوہ آسٹریلیا دے خلاف دوجا ٹیسٹ میچ 29نومبر توں کھیڈے گی۔

ایڈیلیڈ وچ میڈیا نال گل کردیاں امام الحق آکھیا ڈے اینڈ نائٹ ٹیسٹ میچ کرکٹ لئی بہت چنگا اے کیوں جے ایہ اک انٹرٹینمنٹ اے، کراؤڈ ٹیسٹ میچ ویکھن لئی بہت آندا اے۔

اوہناں آکھیا میں وی منتظر آں کہ پنک بال دے نال ڈے اینڈ نائٹ ٹیسٹ میچ کھیڈاں کیوں جے وکٹ بہت چنگی وکھائی دے رہی اے ایس لئی چنگا ٹیسٹ میچ ہووے گا۔

امام الحق دا کہنا سی اسیں پنک بال دے نال کھیڈن دے عادی نہیں آں تے ایہدے نال کھیڈنا چیلنج ہوندا اے پر اسیں پروفیشنل کرکٹرز آں، 100فیصد کھیڈ پیش کرن دی کوشش کراں گے۔

اپنا تبصرہ گھلو