بیوی نوں سی ویو تے لیا کے بہت وڈی غلطی کر دتی: وسیم اکرم

قومی کرکٹ ٹیم دے سابق کپتان تے سوئنگ دے سلطان وسیم اکرم نے اک وار فیر کراچی دے ساحل تے گندگی تے اپنی آواز بلند کیتی۔ وسیم اکرم نے اپنے سوشل میڈیا اکاؤنٹ تے اک ویڈیو شیئر کیتی جہدے وچ اوہناں دا کہنا سی سوچیا سی کہ ہفتے دے بعد پیر پہلا دن اے، سمندر تے مزہ آئے گا پر میں اپنی بیوی نوں سی ویو تے لیا کے بہت وڈی غلطی کر دتی۔ اوہناں نے سی ویو دی گندگی بارے گل کردیاں آکھیا کسے نوں مورد الزام نہیں ٹھہرانا سگوں بحیثیت قوم سانوں اپنے آپ نوں قصور وار ٹھہرانا اے۔

وسیم اکرم دا ہور کہنا سی ایہ بہت ای شرمناک اے، اسیں پوری دنیا نوں کہنے آں پاکستان بہت خوبصورت دیس اے، لوک بہت خوبصورت نیں، لوک بہت خوبصورت نیں پر گندے وی نیں۔ اوہناں دا کہنا سی جہڑے لوکاں نوں سوشل میڈیا تے نصیحتاں دین دا شوق اے نہ تے ایہ ویلا اے مشورے دین دا، ایہ سارا گند سمندر توں آیا اے، جہڑا تسیں سمندر وچ سُٹدے او ، اوہ سارا باہر آندا اے۔

اپنا تبصرہ گھلو