میدان وچ اترن توں پہلاں زیادہ دیر چپ نہیں بہہ سکدا: بابر اعظم

لہور: بابر اعظم 9اکتوبر توں شروع ہون والے نیشنل ٹی ٹونٹی کپ دے دوجے مرحلے وچ سنٹرل پنجاب دی قیادت کرن گے۔ سنٹرل پنجاب دی ٹیم ایونٹ دے پنج میچاں وچوں صرف اک وچ کامیابی دے نال فی الحال پوائنٹس ٹیبل تے پنجویں پوزیشن تے موجود اے۔ دورہ انگلینڈ وچ پاکستان کرکٹ ٹیم دے نال ڈھائی مہینے بائیو سیکیور ایبل وچ ویلا گزارن دے بعد انگلش کاؤنٹی سمر سیٹ دے بائیو سیکیور ماحول وچ رہن والے بابر اعظم ہن نیشنل ٹی ٹونٹی کپ وچ رلت لئی راولپنڈی دے بائیو سیکیور ماحول دا حصہ بنن گے۔

پاکستان دی وائٹ بال کرکٹ دے کپتان دا کہنا اے اوہناں نوں تے ہن بائیو سیکیور ایبل دی عادت ہو چکی اے پر کورونا وائرس دی وباء دے باوجود کرکٹ دی سرگرمیاں جاری رہنا خوش آئند اے۔ بابر اعظم دا ہور کہنا سی اوہ زمبابوے دے خلاف کامیابی حاصل کرکے وننگ مومنٹم نیوزی لینڈ لے کے جانا چاہندے نیں کیوں جے نیوزی لینڈ دے خلاف نیوزی لینڈی وچ سیریز آسان نہیں ہوندی۔

اپنا تبصرہ گھلو