جونیئرز دی آزمائش لئی کجھ سینئرز نوں آرام دین دا فیصلہ کیتا: مصباح الحق

لہور: چیف سلیکٹر مصباح الحق دا کہنا اے جونیئرز دی آزمائش لئی کجھ سینئرز نوں آرام دین دا فیصلہ کیتا۔ مصباح الحق دا پریس کانفرنس وچ کہنا سی زمبابوے دے خلاف سیریز لئی جونیئرز دی آزمائش لئی کجھ سینئرز نوں آرام دین دا فیصلہ کیتا، ون ڈے میچاں وچ جت بہت ضروری اے۔ ایس لئی ایس چیز نوں مدنظر رکھیا گیا اے۔ آئی سی سی ورلڈ کپ لئی کوالیفائی کرن دے عمل وچ لیگ دے کسے حریف نوں آسان نہیں سمجھدے۔ اک اک پوائنٹ اہمیت دا حامل اے، ون ڈے میچاں وچ کامیابی لئی زیادہ تجربات نہیں کر سکدے سی، سری لنکا دے خلاف سیریز دے اک سال بعد ون ڈے کرکٹ کھیڈ رہے آں، چنگا کمبی نیشن بنایا گیا اے، نال ایہ وی کوشش کیتی اے کہ نویں مُنڈیاں نوں وی موقع دتا جائے۔