عراقی دارالحکومت بغداد وچ فوجی چوکی اتے داعش دا حملہ ، گیارہ افراد ہلاک

بغداد (مانیٹرنگ ڈیسک) عراقی دارالحکومت بغداد وچ ہوائی اڈے دے نیڑے اک فوجی چوکی اتے شدت پسند گروپ داعش دے حملے وچ گٹھوں گٹھ گیارہ افراد ہلاک تے آٹھ دیگر زخمی ہوگئے۔غیر ملکی خبر رساں ادارے دے مطابق عراقی فوج دے ذرائع نے دسیا کہ داعش دے اک گروپ نے الردوانیہ وچ عراقی فوج دی اک چوکی اتے حملہ کیتا۔ سکیورٹی ذرائع داآکھنا اے کہ حملہ آور چارگڈیاں وچ سوار ہو کے آئے ہوئے سن۔ اوہناں نے چوکی اتے گرنیڈتے خود کار ہتھیا ریاں دے نال حملہ کیتا۔ ایس فوجی چوکی اتے حاشد قبائلی فورسز دے جوان تعینات سن۔ اوہناں نے دسیا کہ ایس حملے وچ حاشد قبیلے دے پنج جوان تے چھ مقامی افراد مارے گئے جہڑا ایس حملے نوںنکام بنان لئی اوتھے آئے سن۔