ملائیشیا :یکم اگست تک کورونا ایمرجنسی نافذ کردتی گئی

کوالا لمپور( پنجابی میڈیا گروپ) ملائیشیا وچ کورونا کیس دن بدن ودھن نال ملک بھر وچ ایمرجنسی نافذ کردتی گئی اے۔عالمی خبر رساں ادارے دے مطابق ملائیشیا دے بادشاہ السلطان عبداللہ نے کورونا بیماری نال مقابلہ کرن لئی وزیراعظم محی الدین یاسین دی درخواست اُتے ملک بھر وچ یکم اگست ہنگامی حالت دا اعلان کردتا ۔ملائیشیا دے بادشاہ ولوں ایمرجنسی دے اعلان دے علاوہ وزیراعظم محی الدین نوںپارلیمنٹ معطل کرن دا اختیار وی دیدتا اے۔یکم اگست تک کورونا کیساں وچ واقع نہیں ہوئی تے ایمرجنسی دا ٹائم ودھ سکدا اے۔اک ون پہلاں ہی وزیراعظم محی الدین نے ملک بھر وچ کورونا ایس او پیز نوں سخت کرن دا حکم دتا سی جس دے تحت سارے شاپنگ مالز تے کجھ صنعتی ایریا وی بند کردتے گئے سن۔اپوزیشن جماعتاں نے ملک وچ ایمرجنسی دے نفاذ نوں وزیراعظم دی کابینہ تے پارلیمنٹ وچ کمزور پیندی گرفت دسیا جاندا اے تے فیصلے دے خلاف مظاہریاں اُتے وی غور کیتا جا رہیا اے۔واضح رہے کہ وزیراعظم محی الدین نے پچھلے سال مارچ وچ حکومت سنبھالی سی لیکن اوہناں اپوزیشن اُتے معمولی اکثریت حاصل ہون دی وجہ نال کئی طرح دیاں مشکلاں دا ساہمنا اے۔