نوازشریف دی رپورٹ وچ دل دی شدید بیماریاں دی نشاندہی، ہسپتال داخل ہون گے

لندن: سابق وزیراعظم دے ذاتی معالج ڈاکٹر عدنان نے دسیا اے میاں نوازشریف اگلے کجھ دناں وچ ہسپتال داخل ہو جان گے جتھے اوہناں دے دل دا علاج کیتا جاوے گا۔

سماجی رابطیاں دی ویب سائٹ ٹویٹر تے جاری اک بیان وچ ڈاکٹر عدنان نے لکھیا نوازشریف کارڈیک علاج لئی ہسپتال وچ داخل ہون گے۔

اوہناں دی حالیہ آن والی روبیڈیم کارڈیک پیٹ سکین دی رپورٹ وچ دل دی شدید بیماریاں دی نشاندہی ہوئی اے۔

ڈاکٹر عدنان نے دسیا نوازشریف دے دل دا علاج کرن والی ٹیم نے اہم پیچیدہ کورونری شریاناں وچ رکاوٹاں دا علاج کرن لئی کارڈیک کیتھیٹائزیشن دا منصوبہ بنایا اے۔

اپنا تبصرہ گھلو