ساڈی پوری کوشش اے کرونا وائرس پاکستان وچ داخل نہ ہووے: چینی سفیر یاؤ جینگ

اسلام آباد: چینی سفیر یاؤ جینگ آکھیا اے مشکل گھڑی وچ ساتھ دین تے پاکستانی حکومت دے شکر گزار آں۔ ساڈی پوری کوشش اے کرونا وائرس پاکستان وچ داخل نہ ہووے۔

چین دے سفیر یاؤ جینگ دا بیلٹ اینڈ روڈ تے سی پیک سیمینار نال خطاب کردیاں کہنا سی پچھلے 6ورھے وچ بی آر آئی انٹرنیشنل ٹریڈ تعاون دا اک مضبوط پراجیکٹ بن کے ابھریا اے۔

ایہدے ذریعے ملکاں دے نال تعلقات مضبوط ہوئے نیں۔ سی پیک اک طویل مدتی منصوبہ اے۔ ایس منصوبے نے چائنا تے پاکستان وچکار تعلقات نوں اک نویں شکل دتی اے۔

چینی سفیر نے ایس عزم دا اظہار کیتا اسیں دن رات کرونا وائرس نوں پاکستان وچ آن توں روکن تے کم کررہے آں۔ پاکستان تے چین وچکار فلائٹ آپریشن معمول دے مطابق اے۔ ساڈی بھرپور کوشش اے کہ کرونا وائرس پاکستان وچ داخل نہ ہو سکے۔

ژاؤجینگ چینی حکومت ایس ویلے بہت مشکل حالات توں لنگھ رہی اے۔ حکومت پاکستان دا ساتھ دین تے انتہائی مشکور آں۔ حکومت پاکستان دا مشکل ویلے وچ ساتھ دینا سچی دوستی دی مثال اے۔ پاکستان چائنا دا مضبوط ترین دوست اے۔

اوہناں آکھیا مہنگی انرجی دا مسئلہ پاکستان وچ آن والے چینی تاجراں نوں وی اے پر سی پیک دے راہیں انرجی سیکٹر وچ وی تعاون ودھ رہیا اے۔ حکومت پاکستان نے کاروبار وچ آسانی دی پالیسی اپنائی اے۔

ہن انٹرنیشنل بزنس کمیونٹی پاکستان وچ انوسٹمنٹ دا اظہار کر رہی اے۔ رپورٹاں بنان نال معیشت بہتر ہوندی اے، ایسے لئی چائنا گوادر پورٹ تے کم کر رہیا اے۔