مقبوضہ کشمیر وچ بھارتی فوج دی ریاستی دہشت گردی وچ 2کشمیری نوجوان شہید
سری نگر: قابض بھارتی فوج نے نام نہاد سرچ آپریشن دے دوران فائرنگ کرکے 2نہتے کشمیری نوجواناں نوں شہید کردتا۔
کشمیر میڈیا سروس دے مطابق جنت نظیر وادی دے ضلع شوپیاں دے داخلی و خارجی راہواں نوں بند کرکے قابض بھارتی فوج نے گھر گھر تلاشی دا عمل شروع کیتا ایس دوران مریضاں نوں لین آن والی ایمبولینساں نوں وی علاقے وچ داخل ہون دی اجازت نہیں دتی گئی تے چادر و چار دیواری دا تقدس پامال کیتا گیا۔
سرچ آپریشن دے دوران قابض بھارتی فوج نے ریاستی دہشت گردی دا مظاہرہ کردیاں دو نوجواناں نوں گولیاں مار کے شہید کر دتا تے شہید ہون والے نوجواناں نوں دہشت گرد ثابت کرن دی نکام کوشش کیتی پر حقائق زیادہ دیر لُک نہیں سکے تے علاقہ مکیناں نے جعلی مقابلے دا بھانڈہ پھوڑ دتا۔
Users Today : 370
Users Yesterday : 206
Total Users : 722622
Views Today : 11568
Total views : 11542353
Who's Online : 3
