افغانستان وچ فوجی چیک پوسٹاں تے حملیاں وچ 11اہلکار ہلاک

ابل: افغانستان وچ طالبان جنگجوواں دے دو صوبیاں دی سکیورٹی چیک پوسٹاں تے حملے وچ 11اہلکار ہلاک جد کہ 12زخمی ہو گئے۔ افغان میڈیا دے مطابق طالبان جنگجوواں نے قندوز دے علاقے وچ فوجی چیک پوسٹ تے حملہ کیتا جہدے نتیجے وچ 4فوجی تے 4پلس اہلکار ہلاک ہو گئے جد کہ 5فوجی تے 4پلس اہلکار زخمی نیں۔ ایسے طرح ہلمند دے علاقے وچ فوجی چیک پوسٹ تے حملے وچ 3سکیورٹی اہلکار ہلاک تے 3زخمی ہو گئے۔

دوواں حملیاں وچ ہلاک تے زخمی ہون والے اہلکاراں دی شناخت نہیں کیتی گئی اے۔ افغان سکیورٹی حکام نے دعویٰ کیتا اے جوابی کاروائی وچ طالبان نوں پسپائی دا ساہمنا کرنا پیا اے تے ایس دوران 5توں ودھ طالبان مارے وی گئے۔ مقامی طالبان کمانڈراں نے سماجی رابطے دی ویب سائٹس تے حملے دی تصویراں شیئر کیتیاں تے حملیاں دی ذمہ داری قبول کر لئی اے پر سکیورٹی فورسز دی جوابی فائرنگ نال جنگجوواں دی ہلاکت دی تردید کیتی اے۔

اپنا تبصرہ گھلو