افغانستان وچ پلس ہیڈ کوارٹر تے کار بمب دھماکے وچ 12بندے ہلاک، 100زخمی

کابل: افغانستان وچ فیروز کوہ دے پلس ہیڈ کوارٹر تے اک سرکاری دفتر تے خودکش بمبار نے بارود نال بھری گڈی مار دتی جہدے نتیجے وچ 12بندے ہلاک تے 100توں ودھ زخمی ہو گئے۔ افغان میڈیا دے مطابق صوبہ غور دے علاقے فیروز کوہ وچ پلس ہیڈ کوارٹر تے عورتاں، شہیداں تے معذور دی وزارت دے سرکاری دفتر تے خودکش بمبار نے بارود نال بھری کار مار دتی جہدے نتیجے وچ 12بندے ہلاک تے 100توں ودھ زخمی ہو گئے۔

ہلاک تے زخمی ہون والیاں نوں قریبی ہسپتال منتقل کر دتا گیا اے جتھے 7لاشاں لیائی گئیاں سن جد کہ 5بندیاں نے دوران علاج دم توڑ دتا جد کہ وکھو وکھ ہسپتالاں وچ 100توں ودھ زخمیاں نوں لیایا گیا اے، ہلاکتاں وچ وادھے دا خدشہ اے۔ دوجے پاسے طالبان نے شکوہ کیتا اے پچھلے ہفتے امریکی افواج نے کابل فوج دے نال ساڈے ٹھکانیاں تے بمباری کیتی جو کہ معاہدے دی خلاف ورزی اے جہدے تے امریکی نمائندے زلمے خلیل زاد دا کہنا سی تحقیقات توں پتہ چلیا اے کہ امریکی فوج نے معاہدے دی خلاف ورزی نہیں کیتی۔

اپنا تبصرہ گھلو