پِلاک دے پربندھ ہیٹھ ــ’’ کُل پنجاب محفل مسالمہ‘‘

رپورٹ: سید علی قیصر

پنجاب انسٹیٹیوٹ آف لینگوئج، آرٹ اینڈ کلچر (پِلاک)، محکمہ اطلاعات و ثقافت، پنجاب دے پربندھ ہیٹھ ’’کُل پنجاب محفل مسالمہ‘‘ دا انعقاد کیتا گیا جس وچ پورے پنجاب توں نمائندہ شعراء نے شرکت کیتی۔

جنہاں وچ رائے محمد خان ناصر (ننکانہ صاحب)، عباس مرزا (لاہور)، مجید سالک (وہاڑی)، فاروق حیدر قاضی (جہلم)، قمر رضا شہزاد، اے ایچ عاطف (فیصل آباد)، حکیم ارشد شہزاد، احمد نعیم ارشد (شکر گڑھ)، صغیر تبسم (بہاولنگر)، قیصر عمران مگسی، راول حسین (وہاڑی) تے ڈپٹی ڈائریکٹر پِلاک خاقان حیدر غازی شامل سن۔شعراء نے اپنے شعراں دے ذریعے سید الشہد امام حسین تے آپ دے رفقاء نوں نذرانہ عقیدت پیش کیتا تے کہیا کہ محرم دے ایام منان دا مقصد تجدید عہد اے کہ ظلم دے اگے سیسہ پلائی دیوار بن جائو چاہے ایس دی جنی وی قیمت ادا کرنی پئے، ہمیشہ حق اُتے قائم رہوئو، بیشک جنی وی مشکلات پیش آن۔ خانوادہ رسول ﷺ نے حق دی جیہڑی شمع روشن کیتی اوہ کدی نہیں بجھے گی تے نہ ای ایس دی روشنی گھٹ ہوئے گی۔

حسینیت تے یزیدیتدو کردار نیں جیہڑے ہمیشہ مد مقابل رہن گے۔ ایس دا اختیار ساڈے ہتھ وچ اے کہ اسیں کس کردار دے نال آں۔ سانوں ہمیشہ اپنا محاسبہ کردے رہنا چاہیدا اے۔

50% LikesVS
50% Dislikes

اپنا تبصرہ گھلو